حبيتك

حبيتك ايوه .. عشقتك ايوه .. ورحت بعيد وسبتينى
ادوق النار .. وشوك  افكار .. و جحيم البعد بيكوينى
سألتك مره .. فى قلبك جوه .. حنين علشانو تضميني
قولتيلى لاه .. دنا فى الحياه .. ابعد واقولك تجفيني

وبعدت سنين .. فى جراح وانين .. و دموع بتنزفها عيوني
وصراخ ندايا .. يعلى فى سمايا .. و تشهد عليكى فوق نجومي
واطوف واتغرب .. اشرق اغرب .. و تفرد سفنتى شراع قلوعى
واتوه لوحدى .. ولسا وعدى .. اطول حبيبتى او اشوف موتى

وتفوت ايام .. تولد احلام .. ويكبر شوقى ويا الحنين
وارجع تانى .. اقول من تانى .. امتى تجمعنا السنين
وبعد الغياب .. وبعد العذاب .. يسألنى قلبى حبيبك فين
اقولو راجع .. لانو سامع .. صوت حبيبو جايلو منين