مين فينا مش بيحبك .. مين دا اللى يقدر على بعدك
مين ملوش فيكى ذكرى..بسمة ..مين ملوش فيكى دمعة
يا بلدى يرضى مين .. عدوك طبعا اكيد
نفسى افهم لصالح مين ..ومين المستفيد
الفتنة والخراب.. والازمة والضباب.. والفرقة بالتحديد
تعالو بسرعة يلا.. نحط الايد ف الايد
نبنى .. نعمر .. نخلى العزم أكيد
و نخلى بكره احلى.. بارادة من حديد
عصر الظلم فات .. بقى ماضى وذكريات
واتولد فينا الامل..وصحينا من السبات
والثورة فعلا قامت..كانت بداية عصر جديد
عدوى وعدوك باين .. بنغمض ليه العين
تعالو نلم الشمل ونبدأ من جديد
يعنى ايه ده اسلامى ..اخوانى .. سلفى او ليبرالى ..او حتى يكون علمانى
هو سماكم المسلمين .. يا موحدين اخذو العين
وتعالو نحسبها تانى
سر القوة فين ؟؟
فى النقد والابتزال ..فى الفرقة والانحلال ..يا خوونا مين الجانى
والله يا خير الاجناد .. القوة فى الاتحاد
أأقول من تانى ؟؟
يلا نفضها سيرة .. ونكمل المسيرة
نستعين بالله ونصلح السريرة
عشان خاطر بلادنا .. عشان خاطر ولادنا
عشان خاطرك يا مصر
ليست هناك تعليقات:
إرسال تعليق