وراح انساك حتى لو بجــيت دم
و راح اروح وانسه جروحك
بلكي من صدري يروح الالـم
بنيت حبنه طابوكه طابـوكه
وانتهى هسه كلشي والحب انهدم
كلبي الحبك سنين بيك جان مخدوع
ومن وعرف حقيقتك خطية انصدم
راح اتركك لان انته ما تتعاشر
خلي اروح عنك حتى من كيدك اسلم
كظيتها وياي بس جذب ونفاق وخداع
واني السويتك روحي ويمكن اهم
هيجي تجازي طيبي وحبي وحناني
راح اروح عنك وبعد ما اندم
شنو السويته الي انته بس كلي
انطيتك فرح عمري واخذت الالم
جنت اظنك وفي وماكو مثلك
والعسل بيدي انطيتك وانته تنطيني السم
جنت متخيل حياتي وياك تكون حلوى
لكن بسببك حبك بيتي صدك انهجم
راح اعوفك انته و ربك واروح اني
وراح اخلي الزمن منك ينتقم..ينتقم
عاشرت وشفت اهواي بشر وعرفت
بس شنو نوعك انته ما جاي افتهم
ليست هناك تعليقات:
إرسال تعليق