الدنيا ما بتوقفش

الدنيا ما بتوقفش .. وحياتنا ما تنتهيش

لو حلمى مره خنى .. لازم فى بكره اعيش

هصمد للنهاية .. وابدأ من البداية

واجدد فى الحكاية .. و ظروفى متهزمنيش

يا حياه بحر التحدى .. واسع ملوش قرار

وانا لازم اعيش و اعدى .. و اخطى على الاسوار

لا يوم يهزمنى يأسى .. و لامرة كرهت نفسى

و لا يوم اعلنت اسفى .. دا شئ ما يلزمنيش

يا دنيا فيكى الامل .. وانا عايش ما بين الناس

ولا قولت ايه العمل .. ولا بقتل فى الاحساس

ايه يعنى كنت ضايع .. ما بكره لسه راجع

ولا عمرى كنت بايع .. حلم ما ينتهيش